Cerita Nabi Nuh bahasa Batak

Adong ma sahalak naposo ni debata namargoar si Noak, jolma na burju na bonar do ibana jala na daulat marroha. Tolu do anakni si Noak, si Sem, si Ham, dohot si Japet. Ai nunga marjea tano i maradophon debata, jala nunga gok hajahaton no jolmai. Dungi didok debatama tu si Noak : "Pauli ma diho sada parau naeng ripashononku nasida rap dohot tano on. Bahen ma di ho parau sian hau Goper manang marantibane. Bahen ma marbilut parau i jala puli sian bagasan dohot sian balian, tolu ratus elak unjur ni parau i, limapulu elak bohangna, jala tolupulu elak timbona.

Bahen tartungkan ginjang sada pandiloan ni parau i, saelak timbona: Alai anggo pintu ni parau i tu lambungna bahen, jala tolu lampis bilutna bahen, sada di toru, sada di tongatonga, jala sada di ginjang. Ai ido, paroonku ma tu tano on aek na sumar laho mangaripashon nasa na mardaging, na marhosa, na marhangoluan. Alai pajongjongonku ma padanhu dohot ho, bongotanmu ma parau i, ho dohot angka anakmu dohot jolmam dohot jolma ni angka anakmi rap dohot ho. Jala pamasuk ma tu bagasan parau i sapasang be sian nasa na mangolu, sian nasa na mardaging, tunggal dohot boruboru, asa mangolu rap dohot ho. Jadi dibahen si Noak ma songon na nidok ni debata.

Ditingki na paturehon parau i mekkel-ekkel do Akka na torop i manginsahi si Noak laos dipandok nasida do : ai nunga rittik haroa si Noak-an pature parau di atas dolok ninna be do, hape ia dung masa ma Aek nasumar i tumatangisma nasida minta tolong tu si Noak dang ditangihon si Noak be nasida.

Jadi diparo debata ma aek nasumar i. Jadi ro ma aek nasumar i tu tano i opatpulu ari, gabe lam hinsat ma aek i gabe di hindat parau i sian tano i tu ginjang, mate ma sude nasa namarhosa hangoluan di tano i. Dung opatpulu ari opatpulu borngin lelengna dipabolushon debatama alogo tu tanoi asa moru aek i dipolpol ma dohot akka mual ni lung i. Dungi sai lam moru aek i rodi bulan sipaha sappulu. Dung opatpulu ari opatpulu borngin disuru si Noak ma pidong gak, pidong darapati jadi diboan ma bulung ni hau jetun na muda. Jadi dibukka si Noak ma tohang ni pintu nai pandiloani di ida ma nunga marsik be aek i. Jadi dung marsik aek i haruar ma si Noak rap dohot anakhon na dohot akka jolmam dohot saluhutna akka binatang na rap dohot ibana. Jadi dung, diida debata naung sude ripas dibahen aek nasumar i dibahen debata ma padan tu si Noak. Naso jadi be paroon na aek na sumar tu tano i, dibahen ma parpadanan na songon halibutongan.